Нийслэлийн онцгой байдлын албан хаагчид “Ulaanbaatar city tour” автобусаар аялж байна. Албан үүргээ нэр төртэй биелүүлж, ажил үйлсээрээ бусдыгаа хошуучлан манлайлж байгаа нийслэлийн 9 дүүргийн Онцгой байдлын албаны болон гал унтраах ангийн нийт 90 албан хаагчид нийслэл хотынхоо түүх дурсгалт газар, музейг үзэхээр хотын аялалд гарлаа. Нийслэлийн Засаг даргын Тамгын газар, нийслэлийн Аялал жуулчлалын газар, нийслэлийн Онцгой байдлын газар хамтран энэ өдрийн арга хэмжээг зохион байгууллаа.