Энэ оны эхний таван сарын байдлаар 139 тэрбум төгрөгийн санхүүжилтийг ипотекийн зээл олгоход зориулж банкнуудад хуваарилсан байна. Ипотекийн зээлийн хөтөлбөрийг Монголбанк, Засгийн газар хамтран энэ онд 312 тэрбум төгрөгөөр санхүүжүүлэхээр төлөвлөж байгаа юм.

Энэ нь 2017 оныхоос 40 орчим тэрбум төгрөгөөр буурсан дүн болж байна. “Өргөтгөсөн санхүүжилтийн хөтөлбөр” хэрэгжүүлж эхэлсэнтэй холбоотойгоор Төв банк ипотекийн зээлийг зөвхөн эргэн төлөлтөөр санхүүжүүлж байна. Ингэснээр ипотекийн зээлд хамрагдсан иргэдийн тоо 2017 оныхоос нэг мянга орчмоор буурах төлөвтэй байна.