Монгол Улсын Ерөнхийлөгч Ц.Элбэгдорж үндэсний их баяр наадмын үеэр Монгол Улсад зочилж байгаа ОХУ-ын ИТАР-ТАСС агентлагийн  сэтгүүлчдэд ярилцлага өглөө. Төрийн тэргүүн ярилцлага өгөх үеэрээ “Өнөөдөр орон даяараа монгол түмэн хуран цуглаж баяр наадмаа тэмдэглэж байна. Наадам бол монголчуудын сайхан баяр юм. Энэхүү наадмын талбай дээрээс би Монголын ард түмний нэрийн өмнөөс, баяр, хөөрөөр бялхаж байгаа хүн бүрийн өмнөөс Оросын ард түмэнд, ОХУ-ын Ерөнхийлөгч В. Путинд халуун сэтгэлийн мэндчилгээ дэвшүүлж байна. Айл гэр бүр аз жаргалтай байг. Гудамж талбай болгонд баяр хөөр цалгиж байг” гэлээ.