ШУУРХАЙ: ӨНӨӨДӨР АЖИЛ ХАЯЛТЫН ӨМНӨХ СУУЛТТАЙ
2018 оны 5 сарын 11
Монголын Эрүүл мэндийн ажилтны үйлдвэрчний эвлэлийн холбооноос энэ сарын 8-ны өдөр сувилагч, эмнэлгийн ажилтнуудын жагсаалыг зохион байгуулсан билээ. Жагсаалаар Засгийн газар, Ерөнхий сайд, Эрүүл мэндийн яаманд хандан дараах шаардлагыг хүргүүлсэн аж.
- Эрүүл мэндийн салбарын ажилтны цалинг энэ оны хоёрдугаар улиралд багтаан 50-иас доошгүй хувиар нэмэгдүүлэх
- Сувилагчдыг төрөөс дэмжиж, нийгмийн хамгаалал, хүний нөөцийг тогтоох, хүний нөөцийн стандартын дагуу ажиллахад шаардагдах хөрөнгийг 2019 оны төсөвт тусгах
- Эрүүл мэндийн салбарын ажилтны үр дүнгийн мөнгөн урамшууллыг 60 хувьд хүргэх
- Өрхийн эрүүл мэндийн төвүүдийн эмч, ажилтнуудын томуугийн дэгдэлтийн үед ажилласан илүү цагийн хөлсийг олгох.
Дээрх шаардлагыг ажлын гурав хоногт багтаан шийдвэрлээгүй учраас өнөөдөр буюу 5 дугаар сарын 11-ний өдрөөс эхлэн Эрүүл мэндийн салбарт шудрага үнэлэмж тогтоохыг шаардсан АЖИЛ ХАЯЛТЫН ӨМНӨХ СУУЛТ-ыг төв талбай дээр өглөө 09.00-10.00 цагийн хооронд хийнэ.
Эх сурвалж: Гэрэл зургийг mpa.mn
|
Мэдээнд өгөх таны үнэлгээ?
1
57118
1 эможи
ARSLAN.mn сайтад сэтгэгдэл оруулахад анхаарах зүйлс