Өнөөдөр орой /2018.04.14/ Бөхийн өргөөний гадна 100 орчим залуус цуглан замбараагүй байдал үүсгэж, хаалгыг нь сүх, лантуу зэрэг зүйл ашиглан эвджээ. Энэ талаар дуудлага мэдээлэл Баянзүрх дүүрэг дэх цагдаагийн хоёрдугаар хэлтэст 19:00 цагийн орчимд ирсэн бөгөөд тус дүүргийн жижүүрийн бүрэлдэхүүн хэрэг гарсан газарт очиж, тэдний үйлдлийг таслан зогсоон, цугларсан хүмүүсийг тарааж, хамгаалалт авч шалгалтын ажиллагааг хийж эхэлжээ. Тэдгээр залуусыг хөлслөн Бөхийн өргөөний хаалгыг эвдүүлсэн гэдгийг зарим эх сурвалжууд хэлж байна.