Хувь хүний орлогын албан татварын хөнгөлөлт эдлэхээр материалаа бүрдүүлэн өгсөн иргэдийн дансанд татварын буцаалтын мөнгө дөрөвдүгээр сарын 20-ны өдрөөс  орж эхэлнэ гэдгийг ТЕГ-ын Татвар төлөгчтэй харилцах газрын улсын байцаагч И.Мөнхцэцэг хэллээ. 

Улсын хэмжээнд нийт 68 мянга гаруй татвар төлөгч Хувь хүний орлогын албан татварын хуулийн дагуу орон сууцны болон сургалтын төлбөрийн хөнгөлөлт, чөлөөлөлт эдлэхээр бичиг баримтаа бүрдүүлэн өгсөн байна. 

Татварын улсын байцаагч И.Мөнхцэцэг "Төрийн сангаас манайд өгсөн мэдээллээр дөрөвдүгээр сарын 20-ноос эхэлж материал өгсөн дарааллаар олгоно гэсэн. Иргэдийн буцаалтыг удаалгүй тавдугаар сарын 15-ны дотор олгох төлөвлөгөөтэй байна" гэлээ.

Татварын буцаалтын материалыг жил бүрийн хоёрдугаар сарын 15-ны дотор бүрдүүлэн өгдөг.