"Хэргийн газрын үзлэг" тэмцээнд цагдаагийн ахлах дэслэгч Б.Цэндээхүү түрүүлсэн талаар Цагдаагийн ерөнхий газрын Хэвлэл мэдээллийн төвөөс мэдээллээ. 

Тодруулбал, Сонгинохайрхан дүүрэг дэх цагдаагийн хоёрдугаар хэлтсээс санаачлан Мөрдөн байцаах алба, Цагдаа, дотоодын цэргийн сургалтын нэгдсэн төвтэй хамтран "Хэргийн газрын үзлэг" тэмцээнийг зохион байгуулсан байна.

Монгол цэргийн өдрийг тохиолдуулан зохион байгуулсан энэхүү тэмцээнд тус цагдаагийн хэлтсийн 18 мөрдөгч өрсөлдсөнөөс цагдаагийн ахлах дэслэгч Б.Цэндээхүү түрүүлж, Б.Батсайхан удаалав.

Гуравдугаар байрт цагдаагийн дэслэгч Г.Мөнх-Эрдэнэ шалгарчээ.