Хатуухан үгтэй, ширүүн төрхтэй реппер Gee-г сайн гэрийн эзэн гэдгийг хэн хүнгүй мэднэ. Түүнээс гадна жүжигчний чадвараа гайхуулаад авсан реппер залуу МҮОНТВ-ийн "Цагийн Хүрд" хөтөлбөрөөс өнгөрч буй Тахиа жилийн 20 алдартны нэгээр тодорчээ. Нэвтрүүлэгч Ч.Ичинхорлоо "Үлгэр жишээ дүүгээрээ бахархаж байна" хэмээн урамшуулсан байх бөгөөд реппер Gee харин энэ тухай "МҮОНТВ-ийн "Цагийн Хүрд" хөтөлбөрөөс "Шудрага Татвар Төлөгч" хэмээх шагналыг гардаж авлаа...Хийх ёстой зүйлээ хийснийхээ төлөө шагнуулж байгаа нь жаахан ичмээр ч юм шиг.  Гэхдээ та бүхэн энэ шагнал дээрхи миний нэрийг битгий анхаараарай!!! Энэ бол амьдралдаа зорилго тавин түүндээ хүрэхээр зүтгэж, ахиц дэвшил, амжилт бүтээл, ашиг орлогоо нэмэгдүүлж, түүнээсээ шударгаар татвараа төлдөг бүх хүмүүсийн шагнал юм шүү!!! Зүтгэл бүхэн зөв байж, ажил бүхэн амжилт олох болтугай!!!" хэмээсэн байна.