Үндэсний уламжлалт цагаан сарын баярыг угтсан үзэсгэлэн худалдаа дүүргүүдэд болж байгаа билээ. Тухайлбал, Баянзүрх дүүрэгт Архангай аймгийн Тариат сумын "Цагаан идээний үзэсгэлэн худалдаа" эхэллээ.

Энэ сарын 29-ний өдрийг хүртэл үргэлжлэх тус үзэсгэлэн худалдаанд уламжлалт арга технологиор экологийн цэвэр бүтээгдэхүүнийг малчид өөрсдийн гар дээрээс нийслэлчүүдэд борлуулж, үйлдвэрлэгч эцсийн хэрэглэгч хоёр ямар нэгэн шат дамжлаггүйгээр холбогдож худалдан авалт хийгдэж байгаагаараа онцлогтой юм. Дашрамд дурдахад, Тариат сумын цагаан идээ нь “Архангай түншлэл” үзэсгэлэн худалдаанд аймгийн шилдгийн шилдэг бүтээгдэхүүнээр хоёр удаа шалгарсан цагаан идээ юм.

Гэрэл зургийг: MPA.mn