Өнгөрсөн даваа гаригт Өмнөд Солонгосын Сөүл хотын “Paradise Walker Hill” нэртэй казинод нэгэн монгол эмэгтэй автомат тоглоомын жекпотын машинаас 863 сая вон буюу ойролцоогоор 795.000 ам.доллар хожсон гэх мэдээлэл цахим сүлжээнд гарчээ. Азтаны талаарх дэлгэрэнгүй мэдээлэл одоогоор алга байгаа ч казиногийн сайт дээр дөрөв дэх удаагийн жекпотын эзэн тодорсныг энд зарласан байна. Бараг хоёр тэрбум төгрөгтэй тэнцэх хэмжээний мөнгө хожсон эмэгтэйн нэр тун удахгүй тодорхой болох биз ээ.