Засгийн газар ипотекийн зээлийн журмыг өөрчлөх ажлын хэсэг байгуулан ажиллаж эхэлжээ. Нийслэлийн агаарын бохирдлыг бууруулахын тулд гэр хороололд амьдарч байгаа айл өрхүүдийг орон сууцанд хамруулах шаардлага бий. Гэвч урьдчилгаа 30 хувь төлөөд орон сууцанд орох иргэд ховор байгаа тул ипотекийн зээлд тавигддаг нөхцөлүүдийг өөрчлөх шаардлагатай гэж Засгийн газар үзжээ.Зээлийн журам өөрчлөлт орсон тохиолдолд 30 хувийн урьдчилгаа 20 хувь болж буурах боломжтой юм байна. Ипотекийн зээл  2013 оны зургадугаар сараас эхлэн хэрэгжүүлснээр одоогоор 90 мянга орчим айл өрх хамрагджээ.