Хоёрдугаар сараас хойш хүлээгдээд байсан жолооны үнэмлэх хэвлэлтээс гарчээ. Жолооны үнэмлэх нөхөн авах, солиулах, шинээр жолооч болсон, ангилал ахиулах зэргээр шинээр үнэмлэх авах гэсэн 100 мянга гаруй иргэний материал Цагдаагийн ерөнхий газрын Бүртгэл хяналтын төвд ирээд байсан юм.

Уг асуудлыг шуурхай шийдэх арга хэмжээ авч ажилласнаар  жолооны үнэмлэх хэвлэлтээс гарч, өнөөдрөөс эхлэн иргэдэд тарааж байна. 2014 оноос хойш жолооны үнэмлэхэд агуулагдах мэдээлэл төрийн нууцад хамаарагдахгүй болсон. Тиймээс нээлттэй тендер зарлаж шалгарсан компани нь үнэмлэхийг хэвлүүлдэг болсон байна.