Зах, худалдааны төвүүдэд НӨАТ-ын хуулийн хэрэгжилтийг хангуулах зорилгоор ХСНХолбооноос Баянгол дүүргийн ЗДТГ болон Татварын хэлтэстэй хамтран 2017.10.25-ны өдрөөс эхлэн "Барс зах баримт олгож эхэллээ" аянг 14 хоногийн хугацаанд зохион байгуулж байна.

Тус аяны хүрээнд Барс худалдааны төвд худалдаа үйлчилгээ эрхэлдэг бизнес эрхлэгчдэд и-баримтын стандартын шаардлага хангасан програм хангамж болон төхөөрөмжийг нийлүүлэх, татварын сургалт зөвлөгөөг үзүүлэх, иргэдийг худалдан авсан баримтаараа сугалаанд оролцох, урамшуулал авах зэрэг боломжоор ханган ажиллах юм.