Монголын Улаан загалмайн Нийгэмлэгийн Үндэсний чуулганы шийдвэрийг хэрэгжүүлэх ажлыг эрчимжүүлэх зорилгоор 2 сарын хугацаатай хүмүүнлэгийн аян зохион байгуулсан байна. “Хүмүүнлэгийн үйлсийн манлайлал” аяныг 2014 оны 4 дүгээр сарын 15-ны өдрөөс эхлэн 2 сарын хугацаатай зохион байгуулж дууссан байна. Аяны хүрээнд Хан-Уул дүүргийн Улаан Загалмайн Хорооноос МУЗН-н үйл ажиллагааг сурталчлах, дүүргийн хэмжээнд хүмүүнлэгийн сүлжээ бий болгох, МУЗН-н гишүүд дэмжигчид, байгууллага, хувь хүн, сайн дурын идэвхтнүүдийн эгнээг өргөжүүлэх зорилгоор дүүргийн бүх хороод болон 34-р сургууль дээр хуваарийн дагуу өдөрлөг зохион байгуулсан ба   уг арга хэмжээний  үеэр эмзэг бүлгийн 2000 орчим иргэнд тусламжийн хувцас олголоо. Аяны  үйл ажиллагааны үр дүнд шинээр 43 хүн МУЗН-д гишүүнээр элсэж, дүүргийн Ахмадын хороо, Нийтлэг үйлчилгээний алба, 26, 34-р сургуулийн хамт олон бусдыгаа манлайлан Хүмүүнлэгийн үйлсэд нэгдэн гишүүнээр элсэж,татвараа төллөө. Мөн аяны хүрээнд 8-р хорооны иргэдэд Анхны тусламжийн мэдлэг олгох сургалтыг зохион байгуулсан байна.