"Даланзадгад дулааны цахилгаан станц" ТӨХК импортын хамаарлыг бууруулах зорилгоор ширэм хайлуулах үйлдвэрээ энэ сарын 27-нд нээгээд байна.

Энэхүү үйлдвэр нь цагт нэг тонн ширэм хайлуулах хүчин чадалтай бөгөөд эхний ээлжинд Дулааны цахилгаан станцынхаа хэрэглээг хангана гэж мэдээллээ. Харин цаашид үйлдвэрийн ажил жигдрэхээр бусад аймаг, суманд нийлүүлэх төлөвлөгөөтэй байгаа ажээ. Түүхий эдийнхээ 80 хувийг хаягдал төмрөөс, үлдсэнийг нь "Beren metal" компаниас авах юм байна. Үйлдвэрт метал, хар төмөр, ширмэн эд ангиудыг хайлуулж, дахин боловсруулан хэрэглээнд нийлүүлэх юм. Даланзадгад Дулааны цахилгаа станц нь жилд 50 тонн ширэм хэрэглэдэг байна. Түүнчлэн үйлдвэрээ нээснээр 15-20 ажлын байр шинээр бий болгожээ.