2013 он, 2014 оны эхний дөрвөн сарын байдлаар улсын болон орон нутгийн чанартай зам, гүүрэнд 638 осол гарч 68 хүн амиа алдан 90 гаруй хүн гэмтжээ. Мэргэжлийн хяналтын байгууллагаас дээрх авто зам, гүүрүүдийн төлөв байдал, ашиглалт, засвар арчлалтай холбоотой улсын байцаагчийн 44 дүгнэлт, 12 албан шаардлага, есөн акт тогтоосон байна. Мөн төрийн захиргааны холбогдох байгууллагуудад 11 албан бичиг хүргүүлэн, жолооч, зорчигчдод анхааруулах, урьдчилан сэргийлэх арга хэмжээ авчээ. Өөрөөр хэлбэл, авто зам, замын байгууламжуудын ашиглалтын байдал хэвийн зорчих нөхцлийг хангаагүйгээс осол их гарч байна.