Яармагийн гүүрнээс Нисэх-Нисэхийн товчоо, Сонсголонгийн уулзвараас Яармагийн товчоо хүртэлх 13.7 км авто замын өргөтгөл, шинэчлэлтийн ажлын хүрээнд энэ сарын 21-ний өдрөөс эхлэн Яармагийн гүүрнээс Вива ситигийн зүүн урд тал хүртэлх 600 метр авто замын урд талын урсгалыг хаахаар болжээ.

Уг зам нэг сарын турш хаалттай байх бөгөөд замын хойд талын урсгалыг нь сөрөг хөдөлгөөнтэй болгож, тээврийн хэрэгслийг нэвтрүүлнэ. Дээрх замыг хааж, далангийн дүүргэлт болон хатуу ухмалын ажил, гадаргуун ус зайлуулах төмөрбетон хоолойн ажлыг хийх аж.