Өнгөрсөн амралтын бямба гарагт элсэлтийн ерөнхий шалгалт эхэлсэн. Энэ жилээс эхлэн элсэлтийн ерөнхий шалгалт өгч байгаа сурагчид Монгол хэл, бичгийн шалгалт заавал өгөхөөр болсон. Тэгвэл шалгалт өгөхөөр нийт 38830 сурагчид бүртгүүлснээс 1000 гаруй хүүхэд Монгол хэл, бичгийн шалгалт өгөөгүй гэнэ. Иймээс Боловсролын үнэлгээний газраас шалгалт өгөөгүй олон хүүхэд байгаа учраас дахин шалгалт авахаар болсон бөгөөд одоогоор шалгалтын товыг гаргаагүй байна.