Онцгой байдлын ерөнхий газар, Азийн гамшгийн бэлэн байдлын төв, НҮБ-ын Хөгжлийн хөтөлбөр, МОН13/301 төсөлтэй хамтран Гамшгийн эрсдэлийг бууруулах үндсэн чиглэл, зарчмуудыг танилцуулж, Монгол Улсын хөгжлийн төлөвлөлтийн үйл явцад гамшгийн эрсдэлийг бууруулах үйл ажиллагааг хэрхэн уялдуулах талаар оролцогчдод нэгдсэн ойлголт өгөх зорилгоор “Монгол улсын хөгжлийн төлөвлөлтийн үйл явцад гамшгийн эрсдэлийг бууруулах үйл ажиллагааг уялдуулах нь” сэдэвт сургалт семинар НҮБ-ын Төв байранд 2014 оны 06 дугаар сарын 03-06-ны өдрүүдэд боллоо. Сургалт семинарыг нээж ОБЕГ-ын дэд дарга, онцгой байдлын хурандаа Т.Бадрал үг хэлж, оролцогчдод амжилт хүссэн бөгөөд Онцгой байдлын алба, Гамшгаас хамгаалах улсын албад, НҮБ-ын Хөгжлийн хөтөлбөрийн нийт 40 гаруй ажилчин албан хаагч оролцож байгаа юм. Аливаа гамшиг ХАА, барилга, эрүүл мэнд, боловсрол, дэд бүтэцийн зэрэг салбарын үйл ажиллагаанд янз бүрийн хэмжээгээр нөлөөлж, нийгэм, эдийн засгийн хөгжлийг сааруулан гамшигт нэрвэгдсэн иргэдийг ядуурахад хүргэж байна. Хор уршигийг арилгах, яралтай тусламж зэрэг гамшгийн дараах үйл ажиллагаа нь гамшигт нэрвэгдсэн иргэдийн зовлон шаналалыг тодорхой хэмжээнд хөнгөлөх боловч урт хугацаанд тэдний асуудлыг шийдвэрлэж чаддаггүй. Гамшгийн эрсдэлийг бууруулах ажиллагааг хөгжлийн төлөвлөлт, хэрэгжилтэнд уялдуулан тусгах нь эрсдэлийг бууруулах идэвхитэй, бүтээлч арга барил юм. Жнь: Газар ашиглалтыг зохицуулах болон зөвшөөрөлгүй газар оршин суугчдыг нүүлгэн шилжүүлэхдээ үерийн эрсдэлийг бууруулахад анхаарах, үерийн уснаас хамгаалах суваг шуудууг томсгох, үерийн далангийн үүрэг гүйцэтгэх мод, ногоон байгууламж бий болгох зэрэг нь үерийн эрсдэлийг бууруулах арга хэмжээг биет бүтээн байгуулалтын хөгжилд уялдуулан тусгаж буй жишээ юм. Олон нийтэд тулгуурласан гамшигийн эрсдэлийг бууруулах үндэсний дэд хөтөлбөр хэрэгжүүлэхээр ажиллаж байна.