Энэ хавар  ерөнхий боловсролын сургуулийг 32493 хүүхэд  төгсч байна. Үүнээс хотод 16209, хөдөө орон нутагт 22123 шалгуулагч байгаа юм байна. Харин Өнөөдрийн байдлаар 38332 шалгуулагч элсэлтийн  ерөнхий шалгалтанд оролцохоор бүртгүүлжээ. Элсэлтийн ерөнхий шалгалт энэ сарын 14-19-ны хооронд зохион байгуулахаар болжээ. Засгийн газрын 2013 оны "Монгол хэлбичгийн боловсролыг сайжруулах арга хэмжээний тухай" 37 дугаар тогтоолд Ерөнхий боловсролын сургууль төгсөгч, их, дээд сургууль, коллежид элсэгчдээс монгол хэлбичгийн хичээлээр шалгалт авч байхаар заасны дагууБолвсрол, шинжлэх ухааны сайдын 2014 оны 5 дугаар сарын 15-ны өдрийн А/211 тоот тушаалаар Өмчийн хэлбэр харгалзахгүй их,  дээд сургууль, коллежид элсэгчдээс 2014-2015 оны хичээлийн жилээс эхлэн монгол хэлний шалгалт авч байхаар шийдвэрлэсэн билээ. Үүний дагуу элсэгчид 14-нд Монгол хэл бичгийн шалгалтыг өгөх бол 16, 17, 19 өдрүүдэд дараагийн шалгалтуудаа өгөх юм байна. Суудлын хуваарийг Боловсролын үнэлгээний төвийн eec.mn цахим хуудас руу бүртгэлийн дугаар нууц үгээ ашиглан нэвтэрч ороод шалгуулагч булангаас хэвлэж авах юм байна. Өмнөх онд төгссөн шалгуулагчид зургадугаар сарын 13-ны 17:00 цагаас өмнө Боловсролын үнэлгээний төвийн байранд биечлэн очиж, бүртгэлийн хуудсан дээрээ тамга даруулж баталгаажуулах шаардлагатай юм байна.