БНЧУ-ын Злин хотноо жил бүр уламжлал болон зохиогддог олон улсын Хүүхдийн кино фестивалийн хүрээнд харааны бэрхшээлтэй хүүхдүүдийн “Radost tvorit” олон улсын зургийн уралдаан 17 дахь жилдээ амжилттай болж өнгөрлөө.

Тус зургийн уралдаанд манай улсын Харааны бэрхшээлтэй хүүхдийн тусгай 116 дугаар сургуулийн сурагчид анх удаагаа оролцсоноос 15 настай сул хараатай Б.Сумъяабазар болон 19 настай хараагүй У.Хонгор нарын шагналт байрт шалгарсан бөгөөд амжилттай оролцсон сурагчидад шагнал гардуулах ёслолын арга хэмжээнд тус улсад суугаа ЭСЯ шагналт байр эзлэсэн сурагчдыг төлөөлөн оролцлоо.

Уг арга хэмжээнд БНЧУ-ын Парламентийн дээд танхим болох Сенатын дэд дарга Алена Гаядушкова болон Злин аймгийн Засаг дарга Станислав Мишак зэрэг албаны хүмүүс оролцлоо.