Засгийн газрын үйл ажиллагааны хөтөлбөрийн хэрэгжилтийг сурталчлах, бодлого, үйл ажиллагааг мэдээлэх, ажил, үйлчилгээний нэр төрөл, хүртээмжийг таниулах зорилгоор яамдууд батлагдсан хуваарийн дагуу нээлттэй өдөрлөгийг зохион байгуулж байгаа юм. БХБЯ-ны нээлттэй өдөрлөг энэ сарын 14-ний өдөр буюу ирэх долоо хоногийн бямба гарагт болно.
Энэхүү нээлттэй өдөрлөгт “Газрын харилцаа, геодези, зураг зүйн газар”, “Зураг төсөл, эрдэм шинжилгээний институт”, “Барилгын хөгжлийн төв”,” Барилгын материал үйлдвэрлэгчдийн холбоо” зэрэг төрийн болоод мэргэжлийн төрийн бус байгууллагууд оролцох бөгөөд “Барилга.МН” сайт, Барилгын зөвлөгөө мэдээллийн төв ч мөн өөрийн үйл ажиллагаа сурталчлан оролцохоор бэлтгэж байна.
 Иймд БХБЯ-ны нээлтэй өдөрлөгт ирсэнээр салбарын яамнаас явуулж буй бодлого, үйл ажиллагаатай танилцахын зэрэгцээ харьяа төрийн бус байгууллагуудтай танилцан хамтран ажиллах боломжоор хангагдах юм.