Элсэлтийн ерөнхий шалгалт зургаадугаар сарын 14-ний өдрөөс  эхэлж, 19 хүртэл явагдана. Уг шалгалтад энэ жилийн төгсөгч 32493 сурагч, өнгөрсөн жилүүдэд сургууль төгссөн 5839 хүн, нийтдээ 38332 шалгуулагч оролцохоор бүртгүүлжээ. ЭЕШ-д бүртгүүлсэн хүүхдүүд бүртгэлээ баталгаажуулан, суудлын хуваарь буюу шар хуудсаа авч байгаа. Өмнөх жилүүдэд шар хуудсыг сургуулиар нь дамжуулан олгож байсан бол энэ жилээс эхлэн хүүхдүүд өөрсдөө онлайнаар бүртгүүлэн хэвлэж авах боломжтой болсон. Суудлын хуваарийг Боловсролын үнэлгээний төвийн eec.mn цахим хуудас руу бүртгэлийн дугаар нууц үгээ ашиглан нэвтэрч ороод шалгуулагч булангаас хэвлэж авах боломжтой. Харин өнгөрсөн онд төгссөн шалгуулагчид зургаадугаар сарын 13-ны 17:00 цагаас өмнө Боловсролын үнэлгээний төвийн байранд биечлэн очиж, бүртгэлийн хуудсан дээрээ тамга даруулж баталгаажуулах юм байна.

ШАЛГАЛТЫН ХУВААРЬ