Өнгөрсөн оны арванхоёрдугаар сард ШӨХТГ-т МУИС-тай холбоотой нэгэн гомдол ирсэн нь тус сургуулийн захирал А.Галтбаяр сургалтын төлбөрөөс гадна 166 оюутнаас 280-аад сая төгрөг хууль бусаар авсан байна. Ийм их хэмжээний мөнгийг яаж авсныг нь сонирхоход оюутнууд дотроо мэргэжил солихоор ангиа өөрчилдөгтэй холбоотой юм байна. Түүнчлэн дээрх мөнгийг төрийн сангийн дансанд тушаалгүй сургуулийнхаа нэр дээр байдаг “Хөгжлийн сан” гэх дансанд хийдэг байсан нь тогтоогджээ. Энэ хэргээс үүдээд ШӨХТГ-аас тус сургуулийн удирдлагад шалгалт оруулсан байна. Улмаар МУИС-ийн захирал А.Галтбаярыг дээрх хэрэгтэй холбогдуулан үүрэгт ажлаас нь өнөөдөр чөлөөлөхөөр болжээ.