09:00 цагаас Нийслэл дүүргийн ИТХ-ын дарга нарын ээлжит уулзалт зөвлөлгөөн Багахангай дүүрэгт болно. Уулзалтаар орон нутгийн хөгжлийн сангийн хөрөнгөөр хэрэгжүүлж байгаа ажлын танилцуулга, “Газар эзэмших эрхийн гэрчилгээг шилжүүлэх, хугацааг сунгах, газрын зориулалт өөрчлөх үйл ажиллагааны журам”-ын талаар мэдээлэл солилцоно.

10:00 цагаас Монгол Үндэсний ардчилсан нам байгуулагдсаны найман жилийн ойг тохиолдуулан зохион байгуулж буй “Үндэстний өгүүлэмж” гар бүтээлийн уралдаан Монголын хүүхдийн урлан бүтээх төвд  нээлтээ хийнэ.

10:00 цагаас  Тээврийн хэрэгслийн татвар, төлбөр хураалтыг иргэдэд хүндрэлгүй, нэг цонхоор, онлайнаар зохион байгуулдаг болохоор Нийслэлийн мэдээллийн технологийн газраас боловсруулсан шинэ системийн нээлт Хангарьд ордны 14 давхарт болно.

11:00-14:30  цагийн хооронд Байгаль орчны чиглэлээр мэргэшсэн сэтгүүлчдэд зориулсан  "Байгаль орчныг хамгаалах, байгалийн нөөцийг зохистой ашиглах арга туршлагаас хуваалцах уулзалт, сургалт"   Хэвлэлийн хүрээлэнд болно.