Нийслэлийн Баянзүрх дүүргийн Нийгмийн халамжийн үйлчилгээний хэлтсээс “Түмний итгэл сумади” ТББ-тай хамтран өнөөдөр дүүргийн 10, 22 дугаар хорооны өрх толгойлсон хоёр эмэгтэйд гэр олголоо. 

Хүн амын хөгжил, нийгмийн хамгааллын яамнаас 2014 оныг “Гэр бүлийн хөгжлийг дэмжих жил” болгон зарласан. Энэ хүрээнд Баянзүрх дүүрэг хэд хэдэн арга хэмжээ зохион байгуулж байгаагийн нэг нь энэ юм. Мөн өнөөдөр дүүргийн хороодын төлөөлөл болох харж асрах үр хүүхэдгүй болон амьдралын түвшин доогуур 28 ахмадад гурил, будаа зэрэг гарын бэлгийг гардуулжээ.