“Нью свийт фүүдс” компанийн үйлдвэрлэсэн “Эклер” нэрийн бүтээгдэхүүнийг худалдан авч хэрэглэсэн иргэд хордлогод орж ХӨСҮТ-д хэвтэн эмчлүүлж байгаа билээ. Уг "Эклер"-т хордсон иргэдийн тоо өссөөр 154-т хүрсэн бөгөөд түүнийг үйлдвэрлэсэн “Нью свийт фүүдс” компанийн зүгээс хохирсон иргэдийн хохирлыг барагдуулна гэдгээ мэдэгдсэн байна.

Өнөөдрийн байдлаар өвчтөнүүдэд хордлого тайлах, шингэн нөхөх эмчилгээ хийж байгаа ба зарим өвчтөнүүдийн биеийн байдал сайжирч эхэлжээ. Уг хордлогыг урьдчилсан шинжилгээгээр “Сальмонелл”-ийн төрлийн нянгаар үүсгэгдсэн хэмээн мэдээллэсэн. Харин МХЕГ-аас шинжилгээний албан ёсны хариуг танилцуулаагүй байгаа юм.