Т.Бадамжунай, М.Энхболд, Н.Сундуй нар Нийслэлд эзэн суусан Э.Бат-Үүлийг унагаж Нийслэлд МАН байр сууриа олно гэж эргэлт буцалтгүй шийдэж эсэргүүцлийн акциудаа зохион байгуулж эхэллээ. Хотын захиргааны байрны гадаа сонгууль болтол ил далдаар өдөр бүр эсэргүүцлийн арга хэмжээ явуулахаар тэд төлөвлөсөн бөгөөд сайн дурын оролцогчид болон Нийслэлийн АН-ын хууль бус үйл ажиллагааны улмаас эрх ашиг нь зөрчигдсөн иргэд, худалдаа наймаа эрхлэгчдийг өдөр бүр Тусгаар тогтнолын ордонд бүртгэж хамтдаа эрх ашгаа хамгаалах түр хороо байгуулж байгаа юм байна.