Ерөнхий сайд Ч.Сайханбилэг “Шийдлийн цаг” уулзалтын хүрээнд өчигдөр  Гааль, татварын ерөнхий газарт ажилласан. Ерөнхий сайдын зүгээс дөрөвдүгээр сард багтаан НӨАТ-ын эхний ээлжийн буцаан олголтыг олгох үүргийг  өгсөн. 

Тодруулбал,  иргэд НӨАТ-ын буцаан олголтоо www.ebarimt.mn бүртгүүлсэн дансаар дамжуулан энэ сардаа багтаан авах юм байна.  Тиймээс танд www.ebarimt.mn-д  НӨАТ-ын буцаан олголтоо авах өөрийн дансаа хэрхэн бүртгүүлэх зааврыг хүргэж байна. 

Эхлээд та өөрийнхөө хэрэглэгчийн код нууц үгээрээ  www.ebarimt.mn нэвтэрнэ. 

Үүний дараа баруун дээд буланд байгаа өгөгдлүүдээс данс тохируулах хэсгийг сонгоно. 

Бүртгэлээ баталгаажуулах хэсэг гарч ирнэ. Энэ хэсэгт та өөрийнхөө мэдээллийг болон НӨАТ-ын буцаан олголт авах дансаа бичиж баталгаажуулах товчыг дарна. 

Ингэснээр таны дансанд энэ сардаа багтаад НӨАТ-ын урамшуулын дүн гэсэн хэсэгт байгаа мөнгө орох юм. Хэрэв та сугалаагаар мөнгө хожсон бол баталгаажуулах гэсэн хэсгийг дарснаар таны мэдээлэл цааш очиж тухайн сугалаанд хожсон мөнгө 20 хоногийн дотор таны холбуулсан дансанд орно.