Жолооч нарын замын хөдөлгөөнд дэг журамтай оролцдог болгохын тулд зөрчлийн оноог бий болгон ажллаж эхэлсэн. Түүнээс хойш 11900 жолооч зөрчлийн оноогоо тодорхой хэмжээгээр хасуулсан байна. Албаныхны хэлж байгаагаар "Жолооч нар суудлын бүсээ зүүлгүй замын хөдөлгөөнд оролцож оноогоо хасуулах явдал их байна" гэлээ. Ийн оноо хасч эхэлсэн ч зарим зөрчил багасахгүй байгааг албаныхан онцолж байв. Тухайлбал, гэрлэн дохио зөрчих, согтуугаар тээврийн хэрэгсэл жолоодох зөрчил буурахгүй байгаа гэнэ. Өнгөрсөн амралтын өдрүүдэд 121 жолооч согтуугаар тээврийн хэрэгсэл жолоодож байгаад саатуулагджээ.