Эдийн засгийн хүндрэлтэй нөхцөлд барилгын салбарын бизнес эрхлэгчид хэрэгцээт бараа материал, бүтээгдэхүүн үйлчилгээгээ солилцох, урамшуулалт хөнгөлөлт үүсгэх, харилцан уялдаатай хамтарч ажиллах зорилгоор "Бартирийн бирж-2016" үзэсгэлэн худалдааг Гандирс цогцолборт зохион байгуулах гэж байна. Тус үзэсгэлэн худалдааг Монголын барилгын үндэсний ассоциациас зохион байгуулж байгаа бөгөөд энэ сарын 16-23-ны өдрүүдэд болох аж. Тус үзэсгэлэнд Жигүүр гранд, Гандирс, Орчлон, Цаст, Макс өргөө, Заг констракшн болон бусад барилгын шилдэг компаниуд оролцохоор бүртгүүлээд байгаа юм байна.