Зэвсэгт хүчний 94 жилийн ойн баярыг угтаж Увс аймагт үйл ажиллагаа явуулдаг цэрэг, хууль хүчний байгууллагын алба хаагчид өнөөдөр Ю.Цэдэнбалын талбай дээр үзүүлэх сургууль хийлээ.

Үзүүлэх сургуульд Хилийн цэргийн 0245, 0311 дүгээр ангийн хамт олон болон Зүүнговь сум дахь агаарын харуулын анги, Онцгой байдлын алба хаагчид, цагдаа, шүүхийн шийдвэр, шүүх прокурор зэрэг байгууллагын багууд оролцсон юм.

Ойн баярыг угтаж спортын уралдаан тэмцээн явагдахаас гадна цэрэг, хууль хүчний байгууллагынхны гол чансааг шалгадаг марш тактикийн тэмцээн маргаашнаас эхлэх аж.