Монголын Залуучуудын Холбоо болон унадаг дугуйг дэмжигч байгууллагууд хамтран залуусын чөлөөт цагийг зөв боловсон өнгөрүүлэх зорилгоор Улаанбаатар хотыг унадаг дугуйн замтай болгох чиглэлээр эрчимтэй ажиллаж байгаа билээ.

Тиймээс  дугуйн замын ажлыг энэ жил эхлүүлэхээр болсон бөгөөд шинээр баригдах, засвар шинэчлэл хийх замуудад унадаг дугуйн замыг оруулах саналыг НАЗГ, НЗДТГ-т хүргүүлээд байгаа аж. Эхний ээлжинд оюутан залуус их хэмжээгээр зорчдог зам болох хуучнаар “Залуучуудын өргөн чөлөө”-г шинэчилж, өргөсгөн унадаг дугуйн зам барьж өгөх саналыг хүргүүлсэн бөгөөд энэхүү төслийн хүрээнд 74 метр гүүр болон 0,9 км авто зам хийгдэх юм байна.