ОБЕГ-аас шар усны үерээс болгоомжлохыг ард иргэдэд анхаарууллаа. Баруун Сибирээс орж ирсэн хүйтэн урсгалын нөлөөгөөр үүссэн цасан шуурга, хүйтний эрч Монгол орны нутаг дэвсгэрээр энэ сарын 3-7-ны өдөр дайран өнгөрч наймны өдрөөс дулаарч эхлэх аж. Үүний улмаас ороод удаагүй байгаа их цас хайлж шар усны үерийн гамшиг нүүрлэж болзошгүйг Онцгой байдлын ерөнхий газраас анхаарууллаа.