Автомашиныг улсын дугаараар ялган замын хөдөлгөөнд оруулдаг журам нийслэлд үйлчлээд багагүй хугацаа өнгөрч байна. Улсын дугаарын ялгаатай үйлчлэл тээврийн хэрэгслийн албан татварт ч бас хамааралтай гэдгийг албаны хүмүүс анхааруулсаар байгаа. Тиймээс маргааш буюу гуравдугаар сарын 1-ний өдрөөс эхлэн 1,6-аар төгссөн тээврийн хэрэгсэл эзэмшигч, жолооч нар тээврийн хэрэгслийн татвараа төлөөгүй бол замын хөдөлгөөнд оролцоход хүндрэлтэй болох нь. Учир нь 1,6 төгсгөлтэй машины эзэд оны эхний нэгдүгээр сард багтан татвараа төлсөн байх учиртай юм.  Мөн 2,7 төгсгөлтэй машины эзэд хоёрдугаар сард багтаан татвараа төлөх ажээ.  

Хугацаандаа татвараа төлсөн эсэхийг хяналтын камераар шалгаж, төлөөгүй бол замын хөдөлгөөнд оролцохыг хориглож, торгууль ногдуулна гэдгийг онцлон анхааруулж байна. Тиймээс 1,6-аар төгссөн машины эзэд өнөөдөртөө багтан татвараа төлөөрэй.