2014 оны 05 сарын 09-ний өдөр Улаанбаатар хотод орсон их  хэмжээний цас хайлж, явган зорчигч болон жолооч нарт хүндрэл үүсгээд байсан юм.  Тиймээс  Нийтийн үйлчилгээний “Улаанбаатар нэгтгэл” ОНӨААТҮГ-аас бохир ус соруулах таван машин, хоёр насос, 25 хүний бүрэлдэхүүнтэй бригад ажиллаж Олимпийн гудамж, Гандийн гудамж, Их Монгол улсын гудамж,  Нэгдүгээр хорооллын арын замуудад тогтсон 700 м³ усыг соруулжээ.  Мөн 05 сарын 09-ний өдрөөс 05 сарын 10-нд шилжих шөнө гурван усны машин, 10 хүний бүрэлдэхүүнтэйгээр Олимпийн гудамж, Нэгдүгээр хорооллын арын зам, Таван шарын байрын дундах замуудад тогтсон усыг шавхаж соруулсан байна.