Холлибудын жүжигчид болох Спайк Ли, Жада Пинкетт-Смит нар ирэх хоёрдугаар сард болох Оскарын шагнал гардуулах ёслолын ажиллагааг бойкотлоно гэдгээ мэдэгдлээ.

Оскарын Шилдэг эрэгтэй, эмэгтэй жүжигчин болон Шилдэг туслах дүрийн номинацид нэг ч афро-америк гаралтай жүжигчин нэр дэвшээгүй нь тэдний дургүйцлийг хүргэсэн байна.

Спайк Ли Кино академийн шагнал гардуулах ёслолд очих нь бүү хэл зурагтаар ч үзэхгүй гэсэн юм.

Жүжигчин Уилл Смитийн эхнэр Жада Пинкет Смит “Оскар”-ын наадамд нэр дэвшигчдийн жагсаалтад сэтгэл дундуур байна.

Тэрээр өөрийн твиттер хуудсанаа энэ талаар “”Оскар”-т өнгөт арьстан хүмүүс л дандаа шагнал авдаг. Харин бидний уран бүтээлч чадварыг олж харах нь ховор” хэмээн жиргэв.

Жада Пинкет #Оскархэтэрхийцагаанбайна гэж жиргэсэн нь олны анхаарлыг татаж байна.

Түүний хэлснээр сүүлийн хоёр жилд хар арьст жүжигчин “Оскар”-ын гол шагналууд болох шилдэг жүжигчин, шилдэг туслах дүрийн шагналд огт нэр дэвшээгүй аж.