Гэр хорооллын дахин төлөвлөлтийн ажлыг нийт 20 байршилд өнгөрсөн оноос хэрэгжүүлж эхэлсэн. Дахин төлөвлөлтөд хамрагдаж буй айл өрхүүдийн дийлэнх нь газраа орон сууцаар солих хүсэлтэй байгаагаа илэрхийлж буй.

Харин тухайн амьдарч буй орчноо сайжруулаад, өөрсдийн хашаа байшиндаа орон сууцанд байгаагаас дутахгүй тохилог амьдрах бололцоотой гэдгийг иргэд тэр бүр сайн мэдэхгүй байх шиг. Иргэд өөрсдийн идэвх санаачилгаараа нэгдэж, амьдрах орчноо сайжруулж болдгийн жишээг Сонгинохайрхан дүүргийн 30 дугаар хорооны “Хилчин хотхон” гудамжны айл өрхүүд харуулж байна. Мөн тэднээс үлгэр жишээ авч зэргэлдээх 23 дугаар хорооны “Хилчин” 1-10 дугаар гудамжныхан өөрсдийн газраа дахин төлөвлөлтөд хамруулахаар болсон байна.