Үндэсний их баярт зориулсан “Цагаан Сар 2016” үзэсгэлэн худалдаа Мишээл Экспо төвд болж байна. Тус үзэсгэлэн худалдаа нэгдүгээр сарын 8-11-ний өдрүүдэд буюу нийт дөрвөн хоног үргэлжлэх бөгөөд өглөө 11-19 цагийн хооронд нээлттэй байх юм.

Энд үндэсний үйлдвэрүүд, бөөний худалдаа, хөдөө орон нутгийн малчид, жижиг дунд худалдаа эрхлэгчидийн бүтээгдэхүүнүүд, ноос ноолуур арьс шир, үүрэн телефон, электрон барааг худалдаалж байна.

Тодруулбал, тавгийн идээ, цагаан идээ, жимс хүнсний ногоо, жимс жимсгэнэ, мах махан бүтээгдэхүүн, гурил будаа, бууз банш, ундаа жүүс, архи дарс, даршилсан ногоо, чихэр жигнэмэг, цай, хүүхдэд зориулсан оюуны бэлэг ном, үндэсний хувцас, бөс бараа, гутал, малгай, ноос ноолуур, нэхий, бэлэн хувцас, гарын бэлэг, аяга таваг, гэр ахуйн бараа, гоо сайхан, электрон бараа, арьс арьсан эдлэл, эсгий эдлэл гэх зэрэг бараа бүтээгдэхүүнүүд энд байна.

Та удахгүй болох баярын бэлтгэлээ эртнээс базааж авахыг хүсвэл Цагаан сарын нэгдсэн худалдааг зориорой.