Нийслэлийн Налайх дүүргийн 3 дугаар хороон дахь эдэлбэр газарт үйл ажиллагаа явуулдаг иргэн Х-н бичил уурхайн гүнд гурван иргэн шороонд дарагдсан байсныг Онцгой байдлын ерөнхий газрын албан хаагчид аварчээ.

Тодруулбал, ослын дуудлагыг арванхоёрдугаар сарын 30-ны өдрийн 01:03 цагт хүлээн авч ОБЕГ-ын харъяа Уул уурхайн аврах ангийн 13 алба хаагч хоёр техник хэрэгсэлтэйгээр ажилласан байна.

Улмаар иргэн Н /37 настай, эрэгтэй/, М /23 настай, эрэгтэй/ нарын цээж, гар, хөл хэсэг гэмтсэн байсныг уурхайн гүнээс эсэн мэнд гаргаж эмнэлгийн байгууллагад хүлээлгэн өгчээ. Иргэн Б /22 настай, эрэгтэй/-г гаргахаар аврах ажиллагааг зохион байгуулж байна гэж ОБЕГ-аас мэдээллээ.