Турк улсын онгоц Улаанбаатарын утаанаас болж бууж чадахгүй хотын дээгүүр 17 удаагийн тойрог хийсний дараа газарджээ. Эх сурвалжийн хэлснээр "Туркийн иргэний агаарын тээврийн онгоц 10 цаг 5 минутад  Улаанбаатарт газардах хуваарьтай байсан ч үзэгдэх орчин муу байсан учраас 12:20 цагт газардсан" гэв.

“Чингис хаан” олон улсын нисэх буудалд нислэгийн зурвас утаанаас болж харагдахгүй байснаас үүдэн онгоц бууж чадахгүй тойрог эргэлт хийж байсан болон буцаж байсан тохиолдол өмнө нь цөөнгүй гарч байжээ.