Дундговь аймгийн цэцэрлэгийн багш хоол идэхгүй гэх шалтгаанаар 10 сартай хүүхдийг зодож буй бичлэг өчигдөр цахим хуудсуудаар цацагдсан.

Тэгвэл энэ хэрэгтэй холбогдуулан Аймгийн Мэргэжлийн хяналтын газар "Оюуны хөгжил" хэмээх тус цэцэрлэгийн үйл ажиллагааг зогсоосон байна.

Харин хүүхэд “яргалсан” цэцэрлэгийн туслах багшийг хуулийн байгууллагад шилжүүлэн шалгаж байгаа талаар Мэргэжлийн хяналтын ерөнхий газраас мэдээллээ.