Өнөөдрийн өдөр тутмын бүх сонингуудын хоёрдугаар нүүр буюу “Улс төр”-ийн нүүр хэсгээ хоосон гаргажээ. Нийт 8 сонин ийм хоосон нүүр гаргасан байна. Тайлбарын хувьд  “Төр ард түмнийг холбогч нь хэвлэл. Ард түмэн төрийн байгууллагуудын мэдээллийг авах эрхтэй” гэж бичсэн аж. Учир нь өчигдрийн УИХ-ын  чуулганы хуралдаанаар хаалтын гэрээ хэмээх зүйлийн талаар ярихад хэвлэл мэдээллийн эрх чөлөөнд халдсан утга бүхий багагүй зүйл яригдсан. Түүн дотроо хэвлэлийнхэнд төрийн байгууллагын талаарх мэдээлэл өгөхийг хязгаарлах талаар ч дурьдсан билээ. Иймд  өдөр тутмын сонингуудын үзүүлж буй дээрх эсэргүүцэл нь чуулганаар яригдсан зүйлтэй шууд холбоотой байж магад хэмээн эх сурвалжууд мэдээлж байна.