Манай улсын иргэд хилийн чанадад гэмт хэрэгт холбогдох, хэргийн хохирогч, холбогдогч, золиос болж хохирох явдал гарсаар байгаа. Өнөөдрийн байдлаар хилийн чанадад буюу гадаадын 13 улсад 220 иргэн гэмт хэрэгт холбогдон шалгагдаж байна. Мөн Монгол Улсын 107 хүн ял эдэлж байгаас 31 нь хар тамхины хэрэгтэй, гурав нь цаазын ял сонссон ч одоогоор ялаа гүйцэлдүүлсэн хүн байхгүй, түр хойшлуулсан байдалтай байгаа ажээ. Дээрх иргэдийнх олонхи нь урд хөршид буюу Хятадад болон муж улсуудад хар тамхи, хулгайн дээрмийн хэргээр шалгагдаж саатуулагдсан байгаа аж.