Нийтийн тээврийн парк шинэчлэлийн хүрээнд хэд хэдэн ажил хийгдэж байгаагийн нэг нь автобусны цахим карт юм.

Одоогоор нийслэлд байнга автобусаар зорчдог 700 орчим мянган иргэн байдгаас 553 мянган иргэн нь цахим картаа худалдан авч, ашиглаж хэвшсэн байна. Харин үлдсэн нь бэлэн мөнгөөр зорчиж байгаа бөгөөд заримдаа дутуу мөнгө төлөх, мөнгөө төлөхгүй буух зэрэг зөрчлүүд гарч байгаа тухай бид өмнө мэдээлсэн.

Тэгвэл тун удахгүй хяналтын ажилтаны сургалтанд хамрагдаж буй мөнгө хураагчид ажилдаа орох гэж байна. Ингэснээр картаа аваагүй иргэд хяналтын ажилтанд хянуулан 700 төгрөгөөр зорчихоор болж байгаа юм байна.