Нийслэлийн өдөр тохиож байгаатай холбогдуулан Их хотын хямдрал, Мэлхийт хөшөөнд цэцэг өргөх зэрэг олон арга хэмжээ болно. Мөн өнөөдөр 14:00 цагаас 17:00 цаг хүртэл ойн баярын парадыг зохион байгуулах юм. Аж ахуйн нэгж, бизнес эрхлэгчид, нийслэлийн иргэд оролцох баярын парад 14:00 цагаас Улсын Их дэлгүүрийн урд төв замаас Цэцэг төвийн уулзвар- Анкарагын гудамж-Чингисийн талбай гэсэн маршрутаар явах бөгөөд энэ үеэр  тус замуудыг  хэсэгчлэн хаах юм.