Нийслэлийн Чингэлтэй дүүргийн нутаг дэвсгэрт орших Яргайтын аманд хүн амины онц ноцтой гэмт хэрэг гарсан тухай мэдээлэл цацагдлаа. Хэрэг энэ сарын 20-нд гарсан бөгөөд гэмт хэргийн хохирогч нь Улаанбаатар хотын Засаг дарга асан Т.Билэгтийн хүү байсан гэнэ.

Эх сурвалжийн мэдээлж байгаагаар талийгаачийн цогцос нь дөрвөн мөчиндөө хүйтэн мэсний гэмтэлтэй, машины яндангийн угаараар хордуулсан байдалтайгаар олджээ. Тодруулбал, машины яндан руу нарийхан хоолой углаж, нөгөө үзүүрийг нь машин дотор тавьсан байсан гэнэ.

Одоогоор гэмт этгээдүүдийг эрэн сурвалжилж байгаа бөгөөд хэргийг Эрүүгийн цагдаа, УМБГ-ын Онц хүнд гэмт хэрэгтэй тэмцэх хэлтэс шалгаж байгаа аж.