Мал сүрэг нь 70  саяд хүрсэн  манай улс махны экспортоор  уул уурхайн салбараас дутахааргүй хэмжээний орлого олох  боломжтой. Тиймээс энэ жил 64.4  мянган  тонн мах экспортолно гэх зорилтыг тавин ажиллаж байгаа билээ. Үүнтэй холбогдуулан ОХУ  манай улсаас хонь, ямааны мах их хэмжээгээр авах сонирхол байгаа бөгөөд Монголын махны 37 үйлдвэрт хойд хөрш рүү  мах нийлүүлэх эрх нээлттэй  гэдгийг   ч тэд хэлж байгаа юм.

Дашрамд дурдахад, ирэх аравдугаар сард  Монгол, Оросын Засгийн газар хоорондын комиссын Хөдөө аж ахуйн салбарын хурал  Улаанбаатар  хотноо болно. Энэ үеэр  ОХУ-д нийлүүлэх махны экспортын талаар хоёр тал эцэслэн тохирох юм байна.