Засгийн газраас хэрэгжүүлсэн “Нүүрс” хөтөлбөрийг хариуцах явцдаа улсад 3.6 тэрбум төгрөгийн хохирол учруулсан хэрэгт холбогдсон экс Ерөнхий сайд Н.Алтанхуягийн ахлах зөвлөх Л.Гансүх нарын шүүх хурал нөгөөдөр буюу есдүгээр сарын 2-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болох юм байна. “Нүүрс” хөтөлбөрөөс мөнгө угаасан гэх тэднийг шүүх хурлын анхны тов энэ сарын 3-нд гарсан боловч, улсын яллагч, шүүгдэгчдийн өмгөөлөгчийн зүгээс шүүх хуралд Ерөнхий сайд асан Н.Алтанхуяг, “Багануур” компанийн удирдлагууд болон шинжээчдийг оролцуулах хүсэлт тавьснаар хойшлогдсон бол энэ сарын 17-нд болохоор товлогдсон ч мөн л  шүүгдэгчдийн өмгөөлөгч шүүх хурал давхацсанаас хурлыг дахин хойшлуулсан юм.