2015.08.18-аас 19-ний шилжих шөний 01 цагийн орчимд Cонгинохайрхан дүүргийн нутаг Баянхошууны зам, Хөтөлийн замд Hyundai Avante XD автомашины жолооч Ц нь явган зорчигч, хаяг тодорхойгүй 48 настай эмэгтэй Б-г мөргөж амь насыг нь хохироосон ноцтой хэрэг боллоо. Мөн Эмээлтийн зам, Малын захын хойд замд амины Hyundai Tucson автомашины жолооч С нь явган зорчигч 44 настай эмэгтэй О-г мөргөж мөн л амь насыг нь хохироосон ноцтой зам тээврийн хэрэг гарсан байна. Ослын талаар тодруулж байна гэж Замын цагдаагийн газраас мэдээллээ. Автомашин жолоодож явахдаа сонор сэрэмжээ дээшлүүлж эрдэнэт хүний амь нас хохироохгүй байхыг анхааруулж байна.